(ڈیلی روشنی انٹر نیشنل ویانا آسٹریا رپورٹ : محمد ممتاز احمد )
ادارہ المصطفی انٹرنیشنل ویانا آسٹریا میں ملک محمد انور کی والدہ محترمہ (مرحومہ) کے ایصال ثواب کے سلسلے میں ختم شریف اور قرآن خوانی……………….
محمّد انور کی والدہ محترمہ (مرحومہ) کے ایصال ثواب کے سلسلے میں ختم شریف اور قرآن خوانی کا انقاد ادارہ المصطفی انٹرنیشنل ویانا آسٹریا میں ہوا.اس موقع پر پاکستانی کمیونٹی کی تنظیموں کے سربراہان کے علاوہ تاجر برادری ،سیاسی ،مذہبی اور کاروباری افراد نے بھرپور شرکت کی محفل کا آغاز عبدل رحمان شاہ کی تلاوت سے ہوا. قرآن پاک کی تلاوت کرکے محفل میں آنے والے حاضرین وناظرین کو مہکایا نقابت کے فرائض حافظ موبشر نے ادا کیے نعت شریف معروف نعت خواں روزنامہ روشنی انٹرنیشنل کے ریذیڈنٹ ایڈیٹر جناب محمد عامر صدیّق (ایڈوکیٹ)،محمد ممتاز احمد، خالد عبّاس نے پڑھی.جبکہ اس موقع پرمحفل میں درودوسلام کی صدائیں بھی بلند ہوتی رہیں خصوصی خطاب میں ادارہ المصطفی انٹرنیشنل ویانا آسٹریا کے بانی و خطیب پروفیسر راجہ اظہ عباس سیالوی نے کہا زندگی اور موت یہ اللہ تعالیٰ کے ہاتھ میں ہیں۔ ہر دی ہوئی روح نے آخر موت کا ذائقہ چکھنا ہے موت ایک اٹل حقیقت ہے اس سے دنیا کا کوئی بڑے سے بڑے آدمی انکار نہیں کرتا ہر انسان نے آخر کار اس موت کی وادی میں جانا ہے موٴمن اس عارضی دنیوی زندگی میں اپنی موت سے پہلے پہلے جو بھی نیک کام کرے گا؛ چاہے اپنی زبان سے ہو کہ ہاتھ سے یا اپنے مال کے ذریعہ اس کا ثواب ضرور پائے گا یعنی عمل کا اجر اس کے نامہٴ اعمال میں لکھا جائے گا. لیکن مرنے کے بعد عمل کا دفتر بند ہوجاتا ہے اور ایک لمحہ کے لیے بھی کوئی عمل کرنے سے عاجز ہوجاتا ہے؛ اس لیے نیکیوں پر اجر و ثواب کا سلسلہ بھی ختم ہوجاتا ہے؛حضرت ابوہریرہ نبی کریم صلی اللہ علیہ وسلم کا ارشاد نقل کرتے ہیں کہ اذا مات ابن آدم انقطع عملہ الا من ثلاث صدقة جاریة أو علم ینتفع بہ أو ولد صالح یدعو لہ (رواہ مسلم) جب انسان مرجاتا ہے تو اس کا عمل بند ہوجاتا ہے؛ مگر تین چیزیں: (۱) ایک صدقہٴ جاریہ یعنی ایسا صدقہ جس سے زندہ لوگ نفع حاصل کرتے رہیں (۲) دوسری ایسا علم جس سے لوگ فائدہ اٹھاتے رہیں (۳) تیسری ایسی نیک اولاد جو اپنے والدین کے لیے دعا کرتی رہے،ان تین قسم کے اعمال کا ثواب میت کو پہنچتا ہے یعنی اس کے نامہٴ اعمال میں لکھا جاتا رہے گا۔جس شخص نے اپنے والدین یا دونوں میں سے ایک کی قبر کی زیارت کی اور قبر کے پاس یٰسین شریف پڑھی تو اس کی مغفرت ہوجاتی ہے۔ایصال ثواب کا منشا عموماً یہ ہوتا ہے کہ اللہ تعالیٰ اس کی برکت سے میت سے عذاب میں تخفیف کردیتے ہیں یا دور فرمادیتے ہیں، کبھی میت کے درجات کی بلندی یا میت پر شفقت وترحم ہوتا ہے،بہرحال ایصال ثواب ایک شرعی مقصد ہے۔تنبیہ: میت کو نفع پہنچانے اورپہنچنے کے ذرائع میں سے ولد صالح کااپنے والدین کے لیے دعا کرنا یا دوسرے اشخاص کا میت کے لیے دعائے مغفرت کرنا بھی ایصال ثواب کے حکم کلی شرعی میں داخل ہے خوش نصیب ہیں والدین جو اپنے پیچھے نیک اولاد صالح چھوڑ کر دنیا سے رخصت ہوئے جو اولاد اپنے ماں باپ کی خدمت ادب احترام سے کرتے وہ ہی کامیابی پاتے ہیں ان پر اللہ کریم کی ذات بھی راضی اور والدین بھی خوش ہوتے ہیں بعدازختم شریف حافظ موبشر نے پڑھا اور (مرحومہ) کیلئے دعائے مغفرت تمام عالم اسلام ملک پاکستان کے حق میں اور حاضرین کے لئے صحت و تندرستی اور رزق میں کشادگی کے لئے پرخلوص دُعائیں کی محفل کے اختتام پر طعام ما حضر پیش کیا گیا.آخر میں ملک محمد انور کی جانب سے تمام مہمانوں کا ان کی والدہ محترمہ (مرحومہ) کے ایصال ثواب کی محفل اور افطاری میں شرکت کرنے کا شکریہ ادا کیا گیا
