(ڈیلی روشنی انٹرنیشنل ویانا آسٹریا)یورپی انٹرنیشنل کلچرل ایسوسی ایشن کے صدر فہیم بابر خان……
ڈیلی روشنی انٹرنیشنل کو یورپی انٹرنیشنل کلچرل ایسوسی ایشن کے صدر فہیم بابر خان نے برما کے مسلمانوں کے لیے ایک بیان دیتے ہوے کہا کہ برما میں قتل عام صرف مسلمانوں ہی نہیں بلکہ انسانیت کے خلاف سنگین جرم ہے برما میں بے گناہ لوگوں کے قتل عام کا تماشا دیکھنے والوں کو یہ حقیقت نہیں بھولنی چاہیے کہ ہر عمل کا ردّعمل ہوتا ہے، یہ دردناک واقعات جو شدت پسند بودائیوں اور فوج کے ہاتھوں برما حکومت کے گرین سگنل سے رخ پا رہے ہیں ان میں مظلوم مسلمان قتل کئے جا رہے ہیں، ان کے گھر جلائے جا رہے ہیں، ان کی مسجدیں اور دوکانیں نابود کی جا رہی ہیں، اور انتہائی بے دردی سے انہیں ان کے گھروں و آشیانوں سے بھگایا جا رہا ہے میانمار جہاں مسلمانوں کی بستیاں جلا دی گئیں اور سینکڑوں مسلمانوں کو بے دردی سے قتل کیا گیا جبکہ کئی مسلمان خواتین کی عزت لوٹ لی گئی مگر نہ ہی کسی دہشت گرد کو پکڑا گیا اور نہ ہی سزا دی گئی۔ روہنگیا مسلمانوں پر دوسرا ظلم اس وقت ہوا جب وہ پناہ لینے کی غرض سے بنگلہ دیش گئے وہاں کی حکومت نے ان کو وہاں داخل ہونے کی اجازت نہ دی اور ان میں سے بے شمار کو موت کے گھاٹ اتار دیا۔ میانمار میں مسلمانوں پر ہونے والے اس خوف ناک ظلم پر حقوق انسانی کے عالمی ادارے اور تنظیمیں خاموش رہیں اور کسی کے کانوں پر جوں تک نہ رینگی۔ مسلمان ملکوں اور ان کی تنظیموں (او، آئی، سی) نے کوئی نوٹس نہ لیا۔ مسلمانوں کے قتل عام پر اس بے حسی نے میانمار کے مسلمانوں کے لئے مزید مشکلات پیدا کر دیں ہیں اور وہ مایوسی کا شکار ہو گئے ہیں۔ اگر برما کی حکومت نے انسانیت کے خلاف جرائم اور دہشت گردی بند نہ کی تو ساری دنیا کا امن متاثر ہوگا۔مسلمانوں کے اس وسیع قتل عام پر کوئی شک باقی نہیں رہتا کہ دنیا کے اس خطے میں مسلمانوں کی نشل کشی ہو رہی ہے۔ اس صورت حال میں بین الاقوامی ادارے اور انسانی حقوق کے دعویدار اپنی شرمناک خاموشی کو جاری رکھے ہوئے ہیں۔ ان کی طرف سے محض مذمت بھی دیکھنے میں نہیں آئی ہے اقوام متحدہ اور اسلامی کونسل جو ہر وقت دنیا میں انسانی حقوق کی خلاف ورزی پر مگرمچھ کے آنسو بہاتے ہیں اور اس قتل عام پر خاموش ہیں۔ دنیا کب تک اس جانبدارانہ قتل عام کو دیکھتی رہے گی کہ اقلیت ہونے کے جرم میں پچاس ہزار نہتے مسلمانوں کا قتل عام کافی نہیں۔ حقوق انسانی کے اداروں اور تنظیموں کی مکمل خاموشی اور بے پرواہی ان کی پیشانی پر بد نما داغ ہے اب یہ آشکار ہو چکا ہے کہ ان تنظیموں کی اس ظلم و ستم پر مداخلت اس وقت ہوتی جب استعماری اور سامراجی حکومتیں اپنے مفادات کے لئے ان کو اجازت دیں اور یہ حکومتیں بھی اس وقت مداخلت کرتی ہیں جب ان کے اپنے مفادات ہوتے ہیں۔ مغربی حکومتوں سے یہ توقع رکھنا کے وہ مسلمانوں کے حق میں آواز اٹھائیں گے ایک خام خیال ہے انہوں نے کہا میں اسلامی تعاون تنظیم اور مسلمان حکومتوں سے پرزور اپیل کرتا ہوں کہ برما کی حکومت اور انسانی حقوق کی تنظیموں پر دباؤ ڈال کر مزید مسلمان کشی کا سلسلہ رکوائیں۔
