تفصیلات کے مطابق گلگت بلتستان کے وادی ہنزہ سے تعلق رکھنے والی آمنہ ضمیر گلگت بلتستان کی پہلی خاتون سول جج بن گئیں، انہوں نے اسلامک انٹرنیشنل یونیورسٹی سے وکالت کی ڈگری مکمل کرنے بعد دس سال پریکٹس کی اور یونیورسٹی آف لیسٹر برطانیہ سے اسکالر شپ پر ایل ایل ایم کی ڈگری بھی حاصل کی۔
آمنہ ضمیر نے دوہزار سولہ میں فیڈرل پبلک سروس کمیشن کا امتحان پاس کیااور بطور سول جج گلگت بلتستان تعینات ہوئیں، ان کی شاندار کارکردگی پر برطانوی ہائی کمیشن کی جانب سے انہیں المنائی ایوارڈ سے بھی نوازا گیا، وہ خواتین کیلئے مشعل راہ ہیں۔
یاد رہے 2013 میں پاکستان کی وفاقی شریعت کورٹ میں عدالت کی 33 سالہ تاریخ میں پہلی بار ایک خاتون جج اشرف جہاں کو تعینات کیا گیا تھا ۔
