ڈیرہ غازی خان میں آپریشن ردالفساد کے تحت رینجرز سے مقابلے میں 10دہشت گرد ہلاک جبکہ3 جوان شہید 2 زخمی ہوگئے ۔
پاک فوج کے ترجمان ادارے کے مطابق آپریشن ڈی جی خان سے 15 کلومیٹر جنوب میں بستی داد وانی میں آج صبح تحریک طالبان پاکستان ، سہولت کاروں اور جرائم پیشہ عناصر کے خلاف آپریشن کیا گیا ۔
آئی ایس پی آر کے مطابق پنجاب رینجرز، انٹیلی جنس اداروں،سی ٹی ڈی کی دہشت گردوں کے خلاف مشترکہ کارروائی کی ، فائرنگ کے تبادلے میں 10دہشت گرد ہلاک ہوئے ،جن میں محمد اصغر عرف استاد گورچانی اور محمد نعیم عرف وقاص دادوانی شامل ہیں۔
آپریشن میں رینجرز کے 3 جوان شہید ہوئے جن میں حوالدار آصف ،سپاہی آفتاب اور سپاہی عزیز اللہ شامل ہیںجبکہ دیگر دوجوان زخمی بھی ہوئے ہیں۔
