لاہور: این اے 120 سے تحریک انصاف کی شکست خوردہ امیدوار یاسمین راشد نے نتائج چیلنج اور الیکشن کمیشن کےخلا ف آج عدالت جانے کااعلان کردیا ہے۔
این اے 120 کے انتخاب میں مسلم لیگ (ن) نے تحریک انصاف کو شکست دے دی ہے تاہم پی ٹی آئی کی امیدوار نے الیکشن کمیشن کے خلاف عدالت جانے کا اعلان کیا ہے۔
یاسمین راشد کا کہنا ہےکہ آئندہ کے لائحہ عمل کا اعلان پریس کانفرنس میں کریں گے۔ انہوں نے کہا کہ پہلے ہی کہہ چکی تھی کہ جیتوں یا ہاروں الیکشن کمیں کے خلافت عدالت جاؤں گی۔
پی ٹی آئی رہنما نے دعویٰ کیا کہ ضمنی انتخاب کے نتیجے پر 29 ہزار ووٹوں کا سایہ پڑا اور اس معاملے پر عدالت سے رجوع کیا جائے گا۔
ان کاکہنا تھا کہ مسلم لیگ (ن) نے سرکاری وسائل استعمال کیے اور 29 ہزار متنازع ووٹ ان کی ناکامی کا باعث بنے۔
دوسری جانب تحریک انصاف کے رہنما فواد چوہدری کا کہنا ہےکہ ڈاکٹریاسمین راشد نے (ن) لیگ کے ہتھکنڈوں کاڈٹ کر مقابلہ کیا، یاسمین راشد کی قیادت میں پی ٹی آئی نے (ن) لیگ کی فتح کھٹی کردی، ضمنی انتخاب نے لاہور، پنجاب اورپاکستان کا مستقبل واضح کردیا۔
جب کہ اعجاز چوہدری نے کہا کہ پارٹی کی مقبولیت بڑھ رہی ہے اور بندے اٹھائے جانے کا گلہ کرنے والے حکومت چھوڑ دیں۔
