دشمن کا بارود اورگولیاں ختم ہوجائیں گی، ہمارے جوانوں کے سینے نہیں، آرمی چیف

راولپنڈی : یوم دفاع کے موقع پر آرمی چیف جنرل قمرجاوید باجوہ نے اپنے پیغام میں کہا ہے کہ دشمن کا بارود اور گولیاں ختم ہوجائیں گی، ہمارے جوانوں کے سینے نہیں۔

پاک فوج کے شعبہ تعلقات عامہ آئی ایس پی آر کے مطابق یوم دفاع اور یوم شہدا کے موقع پر آئی ایس پی آر کی جانب سے پرومو جاری کردیا گیا ہے ، پاکستان زندہ باد۔ یوم دفاعِ پر دفاع اور شہداء سے متعلق مرکزی تقریب کل رات جی ایچ کیومیں ہوگی۔

آرمی چیف جنرل قمرجاوید باجوہ کا یوم دفاع پر اپنے خصوصی پیغام میں کہنا ہے کہ مشرق اور مغرب میں موجود پاکستان کے دشمن سن لیں، دشمن کا بارود اور گولیاں ختم ہوجائیں گی، ہمارے جوانوں کے سینے نہیں اور نہ ہمارا عزم کمزور ہوگا۔