ان کے قطر بہت چھوٹے اور بہت بڑے ہوتے ہیں جن کو انگریزی میں ویو لینگتھ wave length کہتے ہیں۔
سائنس دانوں نے نے اندازہ لگایا ہے کہ چار سو قطرسے نیچے کی آوازیں آدمی نہیں سن سکتا۔ایک ہزار چھ سو قطر سے زیادہ اونچی آوازیں بھی آدمی نہیں سن سکتا ۔چار سو ویولینگتھ wave length سے نیچے کی آوازیں برقی روکے ذریعہ سنی جاسکتی ہیں اور ایک ہزار چھ سو ویولینگتھ کی آوازیں بھی بجز برقی رو کے سننا ممکن نہیں۔یہ ایک قسم کی حس کا عمل ہے جو دماغی خلیئے بناتے ہیں یہ بات یاد رکھنی چاہیئے کہ یہ سب آسمانی رنگ کے تاثر سے ہوتا ہے۔یہ رنگ خلیوں میں،خلیوں کی بساط کے مطابق عمل کرتا ہے۔بتانا یہ مقصود ہے کہ آسمانی رنگ جوفی الواقع ایک برقی رو ہے ۔دماغی خلیوں میں آنے کے بعد اسپیس بن جاتا ہے یہ اسپیس بے شما ر رنگوں میں تقسیم ہو جاتا ہے اور یہ ہی رنگ آنکھ کے پردہ پر مختلف شکلوں میں نظر آتے ہیں۔
آنکھ کے پردوں پر جو عمل ہوتا ہے وہ خلیئے کے اندر بہننے والی رو سے بنتا ہے آنکھ کی حس جس قدر تیز ہوتی ہے اتنا ہی رو میں امتیاز کرسکتی ہے لیکن پھر بھی خلیوں کی رو کا آپس کا تعلق برقرار رہتا ہے۔اس تعلق کی وجہ سے نگاہ کے پردے متاثر ہوتے ہیں اور ان میں ساٹھ سے زیادہ رنگ تک امتیاز ہو جاتا ہے۔اس کے بعد برقی رو سے امداد لینا پڑتی ہے بالکل اس طرح جس طرح کان کو ویولینگتھ کو چار سو سے کم یا سولہ سو سے بڑھا کر کی جاتی ہے۔
ہمیں اس پر کوئی اعتراض نہیں ہے کہ کوئی شخص ساٹھ رنگ سے زیادہ قبول نہ کرے اس سے کم پر اکتفا کرلے لیکن یہ بات یہاں بتانا اس لئے ضروری ہے کہ دماغی خلیوں سے اور ان کی برقی رو سے تمام اعصاب کا تعلق ہے۔تمام اعصاب پر اس کا اثر پڑتا ہے جیسا کہ ہم نے تذکرہ کیا ہے کہ کان کی ویولینگتھ برقی رو کے ذریعہ چار سو سے کم یا سولہ سے زیادہ کی جاسکتی ہے۔اس کے معنی یہ نکلتے ہیں کہ ہم مستقل برقی رو میں گھرے ہوئے ہیں۔یہ برقی رو کتنے قسم کی ہے۔کتنی تعداد پر مشتمل ہے۔اس کا شمار کیا ہے۔آدمی کسی ذریعہ سے گن نہیں سکتا۔البتہ یہ برقی رو دماغ خلیوں کے تصرف سے باہر آتی ہے تو طرح طرح کے رنگوں کا جال آنکھون کے سامنے لاتی ہے۔علاوہ آنکھوں کے چکھنے ک حس ،سونگھنے کی حس ،سوچنے کی حس،بولنے کی حس اور چھونے کی حس وغیرہ اسی سے بنتی ہے۔
وغیرہ سے مراد یہ نہیں کہ حسیں تعداد میں اتنی ہی ہیں بلکہ یقینا اور بہت سی حستیں ہیں جو انسان کے علم میں نہیں ہیں۔
