رنگ اور روشنی سے علاج اس اصول پر قائم ہے لہروں کے ذریعہ انسان کے اندر رنگ ٹوٹ کر زندگی بنتے ہیں جب یہ رنگ انسانی جسم میں اپنی صحیح مقدار میں موجود ہوتے ہیں تو انسان بالکل تندرست رہتاہے ۔اگر ان رنگوں میں اعتدال باقی نہ رہے تو کوئی نہ کوئی بیماری پیدا ہوجاتی ہے ۔اگر رنگ کی مقدارکو کنڑول کرلیا جائے تو مرض کا علاج ہو جاتا ہے۔ان رنگوں کی کمی کو پورا کرنے یا زیادتی کو ختم کرنے کے لئے سورج کی شعاعوں اور روشنی سے مدد لی جاتی ہے۔
روشنی اور رنگ سے علاج کا طریقہ
رنگ یا روشنی سے امراض کا علاج اس قدر آسان ہے کہ معمولی سوچھ بوچھ کا آدمی بھی اس سے فائدہ اٹھا سکتا ہے۔اس علاج میں وقت بھی کم صرف ہو تا ہے خرچ بھی کچھ نہیں ہوتا اور دوائیں ہمیشہ تازہ استعمال کی جاسکتی ہیں۔
طریقہ اول:جس رنگ کی ضرورت ہو اس رنگ کی ایک بوتل بازار سے خرید کر پہلے اسے ٹھنڈے پانی سے پھر گرم پانی سے خوب اچھی طرح صاف کر لینا چاہیئے تا کہ بوتل کے اندر کی سطح میں کسی قسم کا میل باقی نہ رہے۔اگر بوتل کے اوپر کوئی لیبل یا کاغذ وغیرہ لگا ہو ا ہو اسے بھی دور کر دینا چاہیئے شیشی کو صاف کرنے کے بعد اس میں آب مقطر (DISTILLED WATER) اس طرح بھرنا چاہئے کہ بوتل یا شیشی کا ایک چوتھائی اوپری حصہ خالی رہے اس بھری ہوئی بوتل یا شیشی کو لکڑی کی میز یا چوکی پر ایسی جگہ رکھنا چاہیئےجہاں صاف اور کھلی ہوئی دھوپ ہو ۔اگر بازار میں مطلوبہ رنگ کی بوتل یا شیشی فراہم نہ ہو تو صاف پکے شیشے کی سفید بوتل خرید کراس پر ٹرانسپرنٹ کاغذ اس طرح چپکا دیا جائے کہ بوتل اوپر نیچے اور اطراف میں کاغذ کے اندر آجائے۔ٹرانسپرنٹ کاغذ سے مراد وہ کاغذ ہے جو اگر بیتوں وغیرہ کے پیکٹ پر خوبصورتی کے لئے لگایا جاتا ہے۔اگر ایسا کاغذ دستیاب نہ ہو تو ٹرانسپرنٹ پلاسٹک شیٹ سے بھی کام لیا جا سکتا ہے۔
۱۔ایک چوتھاتی خالی بوتل چھوڑ کر پا نی کی بوتل میں دھوپ میں چار یا چھ گھنٹہ تک رکھا جائے ۔پانی تیار کرنے کا بہترین وقت دن میں دس گیارہ بجے سے چار بجے تک ہے پانی تیار ہونے کی شناخت یہ ہے کہ بوتل کے خالی حصہ پر بھاپ کی طرح کچھ بوندیں جمع ہو جاتی ہیں۔
۲۔ایک شیشی کو دوسری شیشی کے قریب اس طرح نہ رکھیں کہ ایک شیشی کا سایہ دوسری شیشی پر پڑے۔
۳۔جس مقام پر شیشیاں رکھی جائیں وہاں کسی قسم کا گردو غبار یا دھواں نہیں رہنا چاہیے ۔شیشوں کے اوپر کارک مضبوطی سے لگا رہنا چاہیئے۔
باب سوئم
