سڈنی: پاکستانی ٹیم کے وکٹ کیپر سرفراز احمد نے ٹیسٹ کرکٹ میں اپنے 100 شکار مکمل کر لئے ہیں۔
پاکستانی ٹیم کے وکٹ کیپر سرفراز احمد نے ٹیسٹ کرکٹ میں اپنے 100 شکار مکمل کر لئے ہیں، انہوں نے وہاب ریاض کی گیند پر حریف اوپنر ڈیوڈ وارنر کا کیچ تھام کر یہ سنگ میل عبور کیا، اس سے قبل انہوں نے 32 ٹیسٹ میچز میں 82 کیچز اور 17 سٹمپس کئے تھے، ڈیوڈ وارنر کے بعد عثمان خواجہ اور اسٹیون اسمتھ کو پویلین بھیجنے میں انہوں نے بولرز کی معاونت کی، یوں ان کے مجموعی شکار 102 ہوچکے ہیں۔
واضح رہے کہ سرفراز احمد بطوربیٹسمین بھی ٹیم کے کارآمد رکن ہیں، انہوں نے سڈنی ٹیسٹ سے قبل 56 اننگز میں 41.28 کی اوسط سے 1858 رنز بنا رکھے ہیں جن میں 3 سنچریز اور 10 ففٹیزشامل ہیں جبکہ 112 رنز ان کی بہترین ٹیسٹ اننگز ہے۔
