پونا: بھارتی آرمی چیف نے پاک چائنہ اقتصادی راہ داری کو بھارتی خود مختاری کے خلاف قرار دے دیا۔
پاک چائنہ اقتصادی راہداری سے بھارت کے پیٹ میں مروڑ اٹھ رہا ہے جو وقت کے ساتھ ساتھ مزید شدت اختیار کرتا جارہا ہے اور جہاں بھارتی حکومت اس کے خلاف سازشیں گھڑنے میں مصروف ہے وہیں بھارتی آرمی چیف نے بھی سی پیک کے خلاف ہرزہ سرائی کی ہے۔
بھارتی میڈیا رپورٹس کےمطابق بھارتی آرمی چیف جنرل بپن راوت نے کہا ہےکہ آزادکشمیر سے اقتصادی راہداری کا گزرنابھارتی خودمختاری کے خلاف ہے۔
انہوں نے کہا کہ چین، پاکستان، مالدیپ، سری لنکا اور میانمار کے ساتھ دفاعی اور معاشی تعاون بڑھا رہا ہے اور علاقائی سیکیورٹی پر اثر انداز ہونے کی کوشش کررہا ہے۔
بھارتی آرمی چیف نے بڑھکی ماری کہ جہادی تنظیموں کی مدد کے سنگین نتائج نکلیں گے۔
