شیخ الاسلام ڈاکٹر محمد طاہرالقادری کی 70 ویں سالگرہ کے سلسلے میں آئرلینڈ میں ایک ورچوئل سفیر امن کانفرنس کا انعقاد ۔
آئرلینڈ (ڈیلی روشنی انٹرنیشنل۔۔۔وسیم بٹ ) شیخ الاسلام ڈاکٹر محمد طاہرالقادری کی 70 ویں سالگرہ کے سلسلے میں تحریک منہاج القرآن آئرلینڈ کے زیر اہتمام ایک ورچوئل سفیر امن کانفرنس کا انعقاد کیا گیا ۔جس میں تحریک منہاج القرآن آئرلینڈ کے رفقاء و اراکین کے علاوہ آئرلینڈ کی اہم شخصیات نے خصوصی طور پر شرکت کی کانفرنس کا آغاز تلاوت قرآن پاک اور نعت رسول مقبولؐ سے کیا گیا
جس کی سعادت ڈاکٹر گلزار احمد اور جنید خالد نے حاصل کی نقابت کے فرائض راقم وسیم بٹ نے ادا کرتے ہوئے تمام معزز مہمانوں کو خوش آمدید کہا اور شیخ الاسلام کی 70 ویں سالگرہ کی مبارکباد دیتے ہوئے سفیر امن کانفرنس کے اغراض و مقاصد سے آگاہ کیا ۔جب کہ اس کانفرنس میں منہاج القرآن لندن کے ڈائریکٹر علامہ محمد ذیشان قادری نے خصوصی طور پر شرکت کی مقررین میں پیر شیراز حسین قادری ۔علامہ محمد عدیل اور احمد فیاض نے اظہار خیال کرتے ہوئے کہا کہ 19فروری ہمارے لئے تجدید عہد وفا کا دن بھی ہے
اور ہم یہ عہد کرتے ہیں کہ تحریک کو اپنے ہر خیال و فکر اور عمل کے اندر ڈھالیں گیں اور مصطفوی انقلاب کے مشن کو اپنی زندگیوں کا اوڑھنا بچھونا بنائیں گے جبکہ ڈائریکٹر منہاج القرآن لندن علامہ ذیشان قادری نے مرکزی خطاب کرتے ہوئے کہا کہ تخلیق آدمؑ کے ساتھ ہی اللہ تعالی نے انسان کی رہنمائی اور ہدایت کے لیے انبیاء اور رسل عظام کو بھیجنا شروع کر دیا جو اپنے اپنے دور کے حالات اور تقاضوں کے مطابق نسل انسانی میں علم و فکر ۔تعلیم و تربیت ۔عبادت و ریاضت اور شعور کی بیداری کے لیے کام کرتے رہے لیکن یہ حقیقت ہے کہ جب بھی کوئی نبی اس جہان فانی سے ابدی جہان کا مسافر ہوتا تو کچھ وقت گزرنے کے بعد اس کی تعلیمات کو یکسر فراموش کر دیا جاتا اور انسانیت جہالت و ظلم و فتنہ وفساد میں پھنس کر رہ جاتی اور یہ سلسلہ حضرت آدمؑ سے لیکر حضرت عیسیٰؑ علیہ السلام تک جاری رہا اور پھر نبی آخر الزماں حضور نبی اکرمؐ کا زمانہ آیا تو باری تعالی نے پہلے سے قائم نظام کو تبدیل کر کے فرمایا ” بے شک یہ ذکر عظیم (قرآن ) ہم نے ہی اتارا ہے اور یقینا ہم ہی اس کی حفاظت کریں گے ” لیکن آپؐ کے پردہ فرما جانے کے بعد اللہ تعالی نے نظام حفاظت دین دیتے ہوئے فرمایا ” اور ہم نے ان کے لیے امام بنائے جو ہمارے حکم سے ہدایت کا کام کرتے ہیں ”
ہدایت کے امام در حقیقت وہ علمائے حق ہیں جو ہر وقت تعلیم و تربیت درس و تدریس ۔وعظ و نصیحت ۔اقامت دین اور احیائے اسلام کے لیے برسرپیکار نظر آتے ہیں ۔
اور اگر ہم آج قومی اور بین الاقوامی سطح پر نگاہ اٹھایں تو انسانیت سسکتی ہوئی دکھائی دے رہی ہے بالخصوص امت مسلمہ کمزور سے کمزور تر ۔دینی اقدار سے نہ آشنا ۔شعائر اسلام سے دور ۔بد عقیدگی ۔دہشت گردی اور دیگر بے شمار بیماریوں میں گری ہوئی نظر آتی ہے ان حالات کے پیش نظر امت مسلمہ کی نشاة ثانیہ اور احیائےکے عالمگیر مقصد کو پورا کرنے کے لئے حضور شیخ الاسلام نے تحریک منہاج القرآن کی بنیاد رکھی جس کا نیٹ ورک پوری آب و تاب کے ساتھ دنیا کے 90 ممالک میں پھیلا ہوا ہے انہوں نے مزید کہا کہ تحریک منہاج القرآن دور حاضر کی ایک ایسی دینی انقلابی تحریک ہے جس کے دعوتی ۔تبلیغی ۔اخلاقی و روحانی ۔فکری و اجتہادی اور تحریکی وتنظیمی پروگرام نےنا صرف اہل ایمان کے نظریات ۔اصلاح امت اور غلبہ دین حق کی بحالی کے لئے اہم کردار ادا کیا اور اگر ہم حضور شیخ الاسلام کی شخصیت کی بات کریں تو وہ ایک ہمہ جہت شخصیت کے مالک ہیں آپ مختلف میدانوں میں اس مقام و مرتبہ پر فائز ہیں کہ ہم قامت شخصیت موجودہ دور تو درکنار کی صدیوں میں نظر نہیں آتی ۔
آخر میں پیر شیراز حسین قادری نے تمام امت مسلمہ اور بالخصوص حضور شیخ الاسلام کی صحت و تندرستی کے لیے خصوصی دعا بھی فرمائی
اس سفیر امن کانفرنس میں جن اہم شخصیات نے شرکت کی ان میں علامہ ذیشان قادری ۔پیر شیراز حسین قادری ۔ڈاکٹر گلزار احمد ۔ڈاکٹر عبدالقدیر ۔سید ذیشان شاہ ۔رضوان احمد طور ۔مدثر بھٹی ۔علامہ محمد عدیل ۔سید عمار علی ۔محی الدین ۔ارسلان خان ۔احمد فیاض ۔جنید خالد ۔افتخار احمد ۔یاسر ایوب ۔عبدالمنان ۔زوب انصاری اور وسیم بٹ شامل تھے
