ڈیلی روشنی انٹر نیشنل ویانا آسٹریا رپورٹ : بلال خالد )۲۳مارچ یوم پاکستان کے موقع پر پاکستان سفارت خانہ ویانا آسٹریا میں سفیر پاکستان محترمہ مس عائشہ ریاض کی زیر قیادت میں بروز جمیرات 23 مارچ صبع نو (9:00) بجے ایک شاندار اور پرُوقار تقریب کا انعقاد کیا گیا ۔جس میں سفارت خانہ ویانا کے ہیڈآف چانسری جناب التمش وزیر خان ،فسٹ سیکرٹری جواد علی ، سہیل افضل کمیونٹی کونسلر ،سیکنڈ سیکرٹری احشام احمد اور سفارت خانہ پاکستان کے سٹاف سمیت پاکستانی کمیونٹی کی مختلف تنظیموں کے نمائندگان نے کثیر تعداد میں شرکت کی ۔ سفیر پاکستان محترمہ مس عائشہ ریاض تقریب میں تشریف لائیں تو اُن کا شاندار استقبال کیا گیا اور تقریب کا آغاز ہر سال کی طرح سفارت خانہ پاکستان کے سٹاف آصف محمود کی تلاوت قرآن پاک سے کیا گیا ۔اسٹیج سیکرٹری کے فرائض ہیڈآف چانسری جناب التمش وزیر خان نے ادا کرتے ہوئے پاکستانی کمیونٹی کو یوم پاکستان کی تقریب میں شرکت کرنے پر سب کا شکریہ ادا کیا اور 23 مارچ یوم پاکستان کی مبارکباد دی۔ جواد علی فسٹ سیکرٹری نے اسلامی جمہوریہ پاکستان کے صدر جناب ممنون حسین اور احشام احمد (سیکنڈ سیکرٹری) نے وزیراعظم پاکستان جناب میاں نوازشریف کا قوم کے نا م پیغامات پڑھ کر سنائے گۓ اور پاکستانی کمیونٹی نے جوش و خروش سے تالیاں بجا کر صدر اور وزیراعظم کے پیغامات کا اظہار کیا ۔صدر اور وزیر اعظم کے پیغامات کے بعد سفیر پاکستان محترمہ عائشہ ریاض نے قومی ترانہ کیخوبصورت سُریلی دھنوں کے ساتھ تمام حاضرین نے مل کر قومی ترانہ پڑھا اور سبز ہلالی پرچم کو ہوا میں بلند کر کے پرچم کشائی کی رسم ادا کی اور قومی ترانہ کے احتتام پر حاضرین نے بڑی گرمجوشی سے تالیاں بجا کر قومی پرچم کو اخراج تحسین پیش کیا ۔سفیر پاکستان محترمہ عائشہ ریاض نے پاکستانی کمیونٹی کا یو م پاکستان کی تقریب میں شرکت کرنے پر شکریہ ادا کیا اور یوم پاکستان کی مبارک باد دی اور پاکستانی کمیونٹی میں گھل مل گئیں،آج یوم پاکستان کے موقع پر پہلی مرتبہ سفیر پاکستان محترمہ عائشہ ریاض نے سب مہمانوں کے ساتھ گروپ تصویر بنوا ئی جو کے یادگار تھی ۔آخر میں سفارت خانہ ویانا ہیڈآف چانسری جناب التمش وزیر خان نے پاکستانی کمیونٹی کو سفارتخانہ کی جانب سے ریفریشمنٹ کی دعوت دی ۔
