مردان میں پاکستان کا پہلا خواتین کیڈٹ کالج

پشاور: مردان میں بنائے جانے پہلے خواتین کیڈٹ کالج کے لیے ملک بھر سے خواتین کیڈٹس کا پہلا بیج منتخب کرلیا گیا۔

صوبہ خیبر پختونخواہ کے شہر مردان میں یہ ملک کا پہلا کیڈٹ کالج ہے جو صرف خواتین کی تربیت کے لیے بنایا گیا ہے۔

اس کے علاوہ ملک بھر میں بنائے گئے تمام کیڈٹ کالج کو ایجوکیشن ہیں جہاں مرد و خواتین دونوں کو تربیت دی جاتی ہے۔

اس کالج میں تربیت دیے جانے والے پہلے بیج کے لیے ملک بھر کے کیڈٹ کالجز سے 80 ہونہار اور ذہین خواتین کیڈٹس کا انتخاب کیا گیا ہے جو اب یہاں پر مزید تربیت حاصل کریں گی۔

یہ خواتین کیڈٹس آگے چل کر پاک فوج سمیت دیگر عسکری شعبوں میں اپنی خدمات سرانجام دیں گی اور ملک کی حفاظت میں مردوں کے شانہ بشانہ اپنا کردار ادا کریں گی۔