کراچی : آئی جی سندھ اے ڈی خواجہ کا کہناہےکہ سندھ پولیس کوسب سے بڑا چیلنج دہشت گردی کا درپیش ہےاس کا مقابلہ کرکےملک کوامن کاگہوارہ بنائیں گے۔
تفصیلات کےمطابق کراچی میں سعید آباد پولیس ٹریننگ سینٹر میں 92ویں پاسنگ آؤٹ پریڈ سے خطاب میں آئی جی سندھ کا کہناتھاکہ پولیس اہلکار شہریوں کے محافظ اور خادم ہیں۔
اے ڈی خواجہ کا کہناتھاکہ میں اپنی جگہ پر ہوں اوردہشت گردی کےخاتمے تک شہر میں آپریشن بھی جاری رہےگا۔
پولیس کی پاسنگ آؤٹ پریڈ میں 28 خواتین سمیت 639 پولیس اہلکار شامل تھےجنہوں نےپریڈ کےدوران تربیت کاعملی مظاہرہ بھی کیا۔
آئی جی سندھ نےپاسنگ آؤٹ پریڈ کےاختتام پر میڈیا سے بات کرتے ہوئےکہاکہ پولیس کےجوان دہشت گردوں کے خلاف اگلی صفوں میں لڑتے ہیں اسی طرح بہادری کا مظاہرہ کرتے رہیں گے۔
اس موقع پراے ڈی خواجہ کا کہناتھاکہ کراچی میں قومی ورثے کو نقصان پہنچانے والوں کے خلاف کارروائی ہوگی۔انہوں نےکہاکہ پولیس والا ہویاکوئی اوررعایت نہیں برتی جائے گی۔
یاد رہےکہ گزشتہ روزصوبہ پنجاب کےشہر ڈیرہ غازی خان اور قبائلی علاقوں میں مشترکہ سرچ آپریشن کےدوران پانچ دہشت گرد ہلاک جبکہ رینجرزکا 1سیکورٹی اہلکار شہیدہوگیاتھا۔
واضح رہےکہ گزشتہ روز پاک فوج نے کوئٹہ میں دہشت گردی کا بڑامنصوبہ ناکام بناتے ہوئے چمن کےقریب آپریشن کےدوران افغانستان سے پاکستان آنے والے بارود سےبھری گاڑی برآمد کرکے دو دہشت گردوں کوگرفتار کرلیاتھا۔
