عراقی شہر موصل سے نکلنے والے آخری راستے پر بھی عراقی فورسز نے کنٹرول سنبھال لیا،جس کے بعد داعش کے گرد گھیرا مزیدتنگ ہوگیا ہے۔
موصل کا بیشتر حصہ چھڑانے کے بعد مغربی حصے کا مکمل محاصر ہ کرلیا گیا ہے ، موصل سے نکلنے والی آخری سڑک بھی عراقی فورسز نے بند کردی ہے جس کے باعث داعش کے جنگجو مخصوص علاقوں میں محصور ہوگئے ہیں۔
ذرائع کے مطابق عراقی ہیلی کاپٹر کی مدد سے داعش کے ٹھکانوں پر میزائل حملے کئے گئے ۔علاقے سے شہریوں کی بڑی تعداد میں نقل مکانی جاری ہے۔
رواں سال کے شروع میں عراقی فورسز نے موصل کے مشرقی علاقے سے داعش کاقبضہ چھڑایا تھا
