اسلام آباد: ورکنگ باؤنڈری پر بھارتی فوج کی فائرنگ اور شہادتوں پر پاکستان نے بھارت سے شدید احتجاج کیا ہے۔
بھارتی فوج نے گزشتہ روز ورکنگ باؤنڈری پر بلا اشتعال فائرنگ اور گولہ باری کی جس کے نتیجے میں 6 پاکستانی شہری شہید اور 26 زخمی ہوگئے۔
جیونیوز کے مطابق بھارتی اشتعال انگیزی پر پاکستان میں تعینات بھارت کے سفیر گوتم بمبا والا کو دفتر خارجہ طلب کرکے شدید احتجاج کیا گیا۔
دفتر خارجہ میں قائم مقام سیکریٹری خارجہ اعتزاز احمد نے بھارتی ہائی کمشنر سے احتجاج کیا اور احتجاجی مراسلہ بھی ان کے حوالے کیا۔
دفتر خارجہ کا کہنا ہےکہ بھارت کی جانب سے معصوم شہریوں پر فائرنگ عالمی قوانین کی خلاف ورزی ہے۔
واضح رہےکہ وزیراعظم شاہد خاقان عباسی نے بھی اقوام متحدہ کی جنرل اسمبلی کے اجلاس سے خطاب میں کشمیر کا مقدمہ پیش کیا ہے اور عالمی برادری سے خطے میں بھارتی جرائم کی تحقیقات کا مطالبہ کیا ہے۔
