اورسیز پاکستانی نواز شریف کے بیانیے کے ساتھ ہیں ، پر ویز علی سندھیلہ
نوازشریف کی قیادت میں ملک ترقی کر رہا تھا، من گھڑت الزام میں نااہل کیا گیا
انتخابات میں اور سیز پاکستانی ن لیگ کو کامیاب کروانے میں کردار ادا کریں گے
ایمسٹر ڈیم ( ) اور سیز پاکستانیوں میں نواز شریف کی مقبولیت میں دن بدن اضافہ ہو رہا ہے، موجودہ حکومت نے اور سیز پاکستانیوں کے مسائل حل کرنے میں اہم کردار ادا کیا ۔ ان خیالات کا اظہار مسلم لیگ ن یوتھ ہالینڈ کے صدر چوہدری پرویز علی سندھیلہ نے اجلاس سے خطاب کرتے ہوئے کیا۔ جس میں مسلم لیگ ن یوتھ ونگ کے عہدیداروں اور کارکنوں نے شرکت کی ۔ اجلاس کی صدارت چوہدری پرویز علی سندھیلہ نے کی ۔ انہوں نے کہا ووٹ کو عزت دو کے بیانیے کو یورپ بھر میں پاکستانیوں نے سراہا۔ نواز شریف کا یہ بیانیہ ملک کو ایک فلاحی مملکت بنادے گا ۔جہاں جمہوریت مستحکم ہو گی وہاں وہاں عوام کے مستقبل کیساتھ ساتھ ملک بھی ترقی کرے گا ۔نواز شریف کی قیادت میں پاکستان ترقی کی منازل طے کر رہا تھا مگر بد قسمتی سے ملک سازشی عناصر کو ملک کی ترقی ہضم نہیں ہوتی ۔انہوں میں اجلاس کو بتایا کہ گزشتہ دنوں لندن میں وفاقی وزیر ماحولیات سینیٹر مشاہداللہ سے ملاقات کرکے آئے ہیں سینیٹر مشاہداللہ نے یوتھ ونگ ہالینڈ کی خدمات کو شاندار الفاظ میں خراج تحسین پیش کیا ہے ۔
