کلمہ درحقیقت اقرار نامہ ہے

کسی بھائ نے مجھے ایک پوسٹ بھیجی تھی جس میں کلمہ لکھا تھا اور لکھا تھا کہ یہ سب کو بھیجیں تو جو بھی پڑھے گا اس کا ثواب آپ کو ملے گا۔۔۔ میں نے یہ جواب دیا تھا ۔۔۔
بھائ کلمہ پڑھنے کی چیز نہیں ہے۔ یہ تو اقرار نامہ یے۔ اور اقرار بغیر کسی چیز کے آنکھوں دیکھے، نہیں ہوتا ۔۔۔ اس کے پیچھے چھپی حکمت کو لوگ سمجھ نہیں پائے۔ جب کوئ اللہ والا ٹریننگ اور تربیت دینے کے بعد اپنے شاگرد سے کلمہ کے لئیے کہتا ہے تو وہ دراصل اقرار کروارہا ہوتا ہے۔ اور جس وقت شاگرد اقرار کررہا ہوتا ہے استاد سامنے ہوتا ہے اور اس کا ہاتھ شاگرد کے سر پر۔ تو جیسے ہی شاگرد لا کہتا ہے ساری کائنات اس کے سامنے آجاتی ہے لیکن خالی کائنات یعنی اتنی بڑی کائنات میں کوئ زمہ دار ہستی، یا کوئ پالنے پوسنے والی ہستی نظر نہیں آتی ۔ یعنی کائنات میں موجود ہر شے کی نفی ہو جاتی ہے۔ اور یہ نظارہ استاد کرواتا ہے۔ اتنے عرصہ کی تربیت کے بعد شاگرد میں اس قدر روشنیاں آجاتی ہیں کہ وہ یہ نظارہ کرلیتا ہے۔ اور اس کے فوراً بعد جیسے ہی "الا اللہ” کہلواتا ہے استاد تو شاگرد کو فورا اس کچھ نہ ہونے میں اللہ کا دیدار ہوجاتا ہے۔ کہ کوئ نہیں مگر اللہ۔۔۔۔ وہی پالنے والا ہے، تخلیق کرنے والا ہے، رب کائنات ہے۔۔۔اس کائنات کا مالک ہے۔ ہمارا مالک حقیقی ہے۔ اسے روحانیت میں نفی اثبات کہا جاتا ہے۔ اس منزل پر پہنچنے میں شاگرد کی استطاعت کے مطابق سالوں بیت جاتے ہیں۔ لیکن جب کوئ اس کلمے کا اقرار کر لیتا ہے یعنی سب کچھ اپنی آنکھوں سے دیکھ لیتا ہے تو پھر وہ اس کا انکار نہیں کرسکتا ۔ اس کا ایمان یقین کے اس درجہ پر اجاتا ہے جب دنیا کچھ بھی کہے یہ اپنے ایمان سے زرہ برابر ادھر ادھر نہیں ہوتا۔
اب ہو یہ رہا ہے کہ ہر مولوی چلتے پھرتے کلمہ پڑھوا دیتے ہیں اور بڑے بڑے ثواب کی توقعات وابستہ کرلیتے ہیں۔