کراچی : پاکستان بحریہ کے سربراہ ایڈمرل ذکا اللہ کا کہنا ہے کہ سمندری حدود کی حفاظت کیلئے دوسرے ملکوں کے ساتھ مل کر کام کر رہے ہیں، سمندر حدود کی حفاظت کیلئے مل کر کام کرنا ہوگا، کوئی ملک اکیلئے سمندری حدود کو محفوظ نہیں بنا سکتا۔
کراچی میں ساتویں بین الااقوامی میری ٹائم کانفرنس کے افتتاحی سیشن سے خطاب میں امیر البحر ایڈمرل ذکا اللہ نے غیر مہمانوں کو خوش آمدید کہا، ایڈمرل ذکا اللہ کا کہنا تھا کہ کانفرنس میں میری ٹائم کو درپیش مسائل پر بات کرنے کا موقع ملے گا، سمندری حدود کی حفاظت کیلئے دوسرے ملکوں کے ساتھ مل کر کام کر رہے ہیں، تجارت کے فروغ کیلئے دنیا کی نظرین سمندری راستے سیکیورٹی پر مرکوز ہیں۔
ذکاء اللہ کا کہنا تھا کہ کانفرنس عالمی سطح پر رابطوں کے فروغ کا ذریعہ بنے گی، سمندری راستوں کو محفوظ بنا کر معیشت کو مضبوط بنایا جاسکتا ہے، آج کے دور میں سمندری ۔حدود کی حفاظت اولین ترجیح ہے، جس کیلئے ہم سب کو مل کر کام کرنا ہوگا، کوئی ملک اکیلئے سمندری حدود کو محفوظ نہیں بنا سکتا
تقریب پاک بحریہ کے افسران، غیر ملکی سفیروں و فوجی افسران، مشیر خارجہ سرتاج عزیز، وزیراعظم آزاد کشمیر سمیت اعلیٰ فوجی اور سول افسران نے شرکت کی
