پیرس: جنوبی افریقی کیون اینڈرسن کولہے کی انجری کے باعث آسٹریلین اوپن سے دستبردار ہوگئے۔
30 سالہ ٹینس پلیئر نے اس کا اعلان ٹویٹر پر کیا۔ وہ اپنے کیریئر کے دوران رینکنگ میں 10 ویں پوزیشن تک گئے مگر اب 67 ویں نمبر پر ہیں، گزشتہ برس کے دوران وہ ٹخنے اور کندھے کی انجریز سے دوچار رہے جب کہ اکتوبر سے ٹینس ہی نہیں کھیلی۔ کیون نے کہاکہ بدقسمتی سے مجھے آسٹریلین اوپن سے دستبردار ہونا پڑرہا ہے، میں اپنے پسندیدہ ایونٹ سے باہر ہونے پر کافی افسردہ ہوں تاہم جلد ہی مکمل فٹنس حاصل کرکے کھیل میں لوٹ آؤں گا۔
