ڈیلی روشنی۔تصاویرسکندرخان)منہاج القرآن کے زیراہتمام یوم صدیق اکبرؓنہایت پروقار انداز میں منایا گیا۔تقریب کا آغاز تلاوت قرآن پاک سے علامہ یاسرنسیم نے کیا جبکہ نعت رسول مقبول پڑھنے کی سعادت مہرسعیداختر،صادق بٹ،قاضی وحیداور سکندرخان کے حصے میں آئی۔
علامہ یاسرنسیم نے اپنے خطاب میں حضور اکرمؐ کے ارشاد کو بیان کرتے ہوئےکہا کہ عمرفاروقؓ آسمان پرنیکیوں میں ستاروں کی مانند ہیں۔اس پر بی بی عائشہ صدیقہؓ نے سوال کیا یا رسول اللہؐ پھر میرے والد کا مقام کیا ہے۔
آپؐ نےفرمایاسیدناصدیقِ اکبر کی ایک نیکی ان سب سے بھاری ہے۔جوانھون نےہجرت کے وقت غار ثور میں تین دن گزارے۔
علامہ احمدرضا نے موقع کی مناسبت سے سیدنا صدیق اکبرؓ کی نجی زندگی پرمدلل انداز میں گفتگو کرتے ہوئے کہا کہ آپ کی چار نسلوں نے حضور کی صحابیت کا شرف حاصل کیا۔
سفیریورپ منہاج القرآن انٹرنیشنل حافظ نذیر نے اپنے علمی اور فکری خطاب میں کہا کہ صدیق کا مطلب جو سچ ہی بولے کیونکہ کہ سچ انسان کو نیکی کی جانب لیجاتا ہے۔ایک موقع پر حافظ نذیر نے حضور اکرم کی حدیث مبارکہ کوبیان کرتے ہوئے کہا حضور نے ارشاد فرمایا میرا غار میں بھی ساتھی تھا اور تو میرا مزارز میں بھی ساتھی ہو گااور تو میراحوضِ کوثر پر بھی میراساتھی ہوگا۔
اجتماعی دعامیں پروفیسر ڈاکٹر طاہرالقادری کی صحت اور سلامتیِ پاکستان کے لئے اور دنیا بھر کے مسلمانوں کیلئے اللہ کے حضور خصوصی مناجات پیش کی گئیں۔اس پروقار تقریب کی نظامت خالد محمود چوہدری نے خوبصورت انداز میں کی۔آخر میں شرکاء کی تواضع لذت کام وذہن کے سلسلے میں پاکستانی کھانے سے کی گئی
