ﺻﺪﺭ ﺭﺟﺐ ﻃﯿﺐ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﺍﻣﯿﻨﮧ ﺍﯾﺮﺩﻭﺍﻥ 53 ﺳﺎﻟﮧ

ﺍﻓﻄﺎﺭ ﺳﮯ ﭼﻨﺪ ﻣﻨﭧ ﭘﮩﻠﮯ ﺗﺮﮎ ﺩﺍﺭﺍﻟﺤﮑﻮﻣﺖ ﺍﻧﻘﺮﮦ ﮐﮯ ﺍﯾﮏ ﻏﺮﯾﺐ ﻋﻼﻗﮯ ﻣﯿﮟ ﻭﺍﻗﻊ ﻣﺰﺩﻭﺭ ﮐﮯ ﮔﮭﺮ ﮐﯽ ﮔﮭﻨﭩﯽ ﺑﺠﺘﯽ ﮨﮯ۔ ﮔﮭﺮ ﮐﮯ ﻣﺎﻟﮏ 53 ﺳﺎﻟﮧ ” ﯾﻠﺪﺭﯾﻢ ﺟﻠﯿﻠﮏ “ ﺟﺐ ﺩﺭﻭﺍﺯﮦ ﮐﮭﻮﻝ ﮐﺮ ﺩﯾﮑﮭﺘﮯ ﮨﯿﮟ ﺗﻮ ﺍﻥ ﮐﯽ ﺣﯿﺮﺕ ﮐﺎ ﮐﻮﺋﯽ ﭨﮭﮑﺎﻧﮧ ﻧﮩﯿﮟ ﺭﮨﺘﺎ، ﺍﻧﮩﯿﮟ ﺍﭘﻨﯽ ﺁﻧﮑﮭﻮﮞ ﭘﺮ ﯾﻘﯿﻦ ﻧﮩﯿﮟ ﺁﺗﺎ، ﻭﮦ ﺩﯾﮑﮭﺘﮯ ﮨﯿﮟ ﮐﮧ ﺩﺭﻭﺍﺯﮮ ﭘﺮ ﻣﻠﮏ ﮐﮯ ﺻﺪﺭ ﺭﺟﺐ ﻃﯿﺐ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﺍﻣﯿﻨﮧ ﺍﯾﺮﺩﻭﺍﻥ ﮐﮭﮍﮮ ﮨﯿﮟ۔ ﯾﻠﺪﺭﯾﻢ ﺟﻠﯿﻠﮏ ﮐﯽ ﺣﯿﺮﺕ ﮐﻮ ﺑﮭﺎﻧﭙﺘﮯ ﮨﻮﺋﮯ ﺻﺪﺭ ﺭﺟﺐ ﻃﯿﺐ ﺍﯾﺮﺩﻭﺍﻥ ﺍﻧﮩﯿﮟ ﺗﺴﻠﯽ ﺩﮮ ﮐﺮ ﮐﮩﺘﮯ ﮨﯿﮟ ﮐﮧ ﺁﺝ ﮨﻢ ﺁﭖ ﮐﮯ ﻣﮩﻤﺎﻥ ﮨﯿﮟ، ﺁﭖ ﮐﯽ ﻓﯿﻤﻠﯽ ﮐﮯ ﺳﺎﺗﮫ ﺍﻓﻄﺎﺭ ﮐﺮﯾﮟ ﮔﮯ۔ ﯾﮧ ﺳﻦ ﮐﺮ ﻣﯿﺰﺑﺎﻥ ﺧﻮﺷﯽ ﺳﮯ ﭘﮭﻮﻟﮯ ﻧﮩﯿﮟ ﺳﻤﺎﺗﺎ۔ ﻭﮦ ﻓﻮﺭﺍً ﻭﺍﭘﺲ ﺟﺎ ﮐﺮ ﺍﭘﻨﮯ ﮔﮭﺮ ﻭﺍﻟﻮﮞ ﮐﻮ ﺍﯾﮏ ﻋﻈﯿﻢ ﻣﮩﻤﺎﻥ ﮐﯽ ﺁﻣﺪ ﮐﯽ ﺧﻮﺷﺨﺒﺮﯼ ﺳﻨﺎﺗﺎ ﮨﮯ۔
ﻏﺮﯾﺐ ﯾﻠﺪﺭﯾﻢ ﮐﮯ ﺍﮨﻞ ﺧﺎﻧﮧ ﻧﮯ ﺍﭘﻨﮯ ﻣﺤﺪﻭﺩ ﻭﺳﺎﺋﻞ ﮐﮯ ﻣﻄﺎﺑﻖ ﺍﻓﻄﺎﺭ ﮐﺎ ﻣﻌﻤﻮﻟﯽ ﺍﻧﺘﻈﺎﻡ ﮐﺮ ﺭﮐﮭﺎ ﺗﮭﺎ۔ ﮔﮭﺮ ﮐﮯ 8 ﺍﻓﺮﺍﺩ ﺩﺳﺘﺮﺧﻮﺍﻥ ﭘﺮ ﺑﯿﭩﮭﮯ ﺗﮭﮯ ﺍﻭﺭ ﺍﻓﻄﺎﺭ ﮐﮯ ﻟﺌﮯ ﮐﮭﺠﻮﺭ، ﭘﺎﻧﯽ، ﺩﻭﺩﮪ ﺍﻭﺭ ﺳﻨﮕﺘﺮﮦ ﮐﮯ ﻋﻼﻭﮦ ﺩﺳﺘﺮﺧﻮﺍﻥ ﭘﺮ ﺍﻭﺭ ﮐﭽﮫ ﻧﮩﯿﮟ ﺗﮭﺎ۔ ﺍﺱ ﻟﺌﮯ ﺍﮨﻞ ﺧﺎﻧﮧ ﮐﮯ ﭼﮩﺮﻭﮞ ﭘﺮ ﻋﻈﯿﻢ ﻣﮩﻤﺎﻥ ﮐﯽ ﺁﻣﺪ ﭘﺮ ﺧﻮﺷﯽ ﮐﮯ ﺳﺎﺗﮫ ﺳﺎﺗﮫ ﭘﺮﯾﺸﺎﻧﯽ ﮐﮯ ﺁﺛﺎﺭ ﺑﮭﯽ ﻧﻤﺎﯾﺎﮞ ﺗﮭﮯ۔ ﻣﮕﺮ ﺻﺪﺭ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﺍﻣﯿﻨﮧ ﺑﻼ ﮐﺴﯽ ﺗﮑﻠﻒ ﮐﮯ ﯾﻠﺪﺭﯾﻢ ﮐﮯ ﺍﮨﻞ ﺧﺎﻧﮧ ﮐﮯ ﺳﺎﺗﮫ ﺩﺳﺘﺮ ﺧﻮﺍﻥ ﭘﺮ ﺑﯿﭩﮫ ﮐﺮ ﺩﻋﺎﺅﮞ ﻣﯿﮟ ﻣﺼﺮﻭﻑ ﮨﻮ ﮔﺌﮯ۔ ﯾﻠﺪﺭﯾﻢ ﮐﮯ ﺍﮨﻞ ﺧﺎﻧﮧ ﮐﻮ ﺑﮭﯽ ﯾﻘﯿﻦ ﻧﮩﯿﮟ ﺁﺭﮨﺎ ﺗﮭﺎ ﮐﮧ ﺻﺪﺭ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﺍﻥ ﮐﮯ ﮔﮭﺮ ﻣﯿﮟ ﻣﻮﺟﻮﺩ ﺍﻭﺭ ﺍﻥ ﮐﮯ ﺳﺎﺗﮫ ﺍﻓﻄﺎﺭ ﻣﯿﮟ ﺷﺮﯾﮏ ﮨﯿﮟ۔ ﯾﮧ ﻧﺎﻗﺎﺑﻞ ﯾﻘﯿﻦ ﻣﻨﻈﺮ ﺩﯾﮑﮫ ﮐﺮ ﯾﻠﺪﺭﯾﻢ ﺟﻠﯿﻠﮏ ﺍﻭﺭ ﺍﻥ ﮐﮯ ﺍﮨﻞ ﺧﺎﻧﮧ ﮐﯽ ﺁﻧﮑﮭﻮﮞ ﺳﮯ ﺧﻮﺷﯽ ﮐﮯ ﺁﻧﺴﻮ ﻧﮑﻞ ﺁﺋﮯ ﺍﻭﺭ ﺍﻧﮩﻮﮞ ﻧﮯ ﺻﺪﺭ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﮐﻮ ﮐﮭﻠﮯ ﺩﻝ ﺳﮯ ﺧﻮﺵ ﺁﻣﺪﯾﺪ ﮐﮩﺎ۔
ﺗﺮﮎ ﭘﺮﯾﺲ ﮐﮯ ﻣﻄﺎﺑﻖ ﯾﻠﺪﺭﯾﻢ ﺟﻠﯿﻠﮏ ﺍﻧﻘﺮﮦ ﮐﮯ ﻋﻼﻗﮯ ” ﺍﻭﻟﻮﺱ “ ﮐﯽ ﺳﺒﺰﯼ ﻣﻨﮉﯼ ﻣﯿﮟ ﻣﺤﻨﺖ ﻣﺰﺩﻭﺭﯼ ﮐﺮﺗﮯ ﮨﯿﮟ ﺍﻭﺭ ﺍﻧﮩﯿﮟ ﯾﻮﻣﯿﮧ 60 ﻟﯿﺮﮦ ‏( ﺗﺮﮎ ﮐﺮﻧﺴﯽ ‏) ﺩﯾﮩﺎﮌﯼ ﻣﻠﺘﯽ ﮨﮯ، ﺟﻮ ﮐﮧ 22 ﺍﻣﺮﯾﮑﯽ ﮈﺍﻟﺮ ﮐﮯ ﺑﺮﺍﺑﺮ ﮨﮯ۔ ﯾﻠﺪﺭﯾﻢ ﮐﮯ ﮔﮭﺮ ﻣﯿﮟ ﺗﺮﮎ ﺻﺪﺭ ﮐﯽ ﺁﻣﺪ ﮐﮯ ﺑﻌﺪ ﯾﮧ ﺑﮭﯽ ﻣﻌﻠﻮﻡ ﮨﻮﺍ ﮐﮧ ﻭﮦ ﮐﺮﺍﺋﮯ ﮐﮯ ﻣﮑﺎﻥ ﻣﯿﮟ ﺭﮨﺎﺋﺶ ﭘﺬﯾﺮ ﮨﯿﮟ، ﺟﺲ ﮐﺎ ﮐﺮﺍﯾﮧ ﻭﮦ ﻣﺎﮨﺎﻧﮧ 360 ﻟﯿﺮﮦ ﺍﺩﺍ ﮐﺮﺗﮯ ﮨﯿﮟ، ﺟﻮ ﮐﮧ 135 ﺍﻣﺮﯾﮑﯽ ﮈﺍﻟﺮ ﯾﺎ ﺳﺎﮌﮬﮯ 13 ﮨﺰﺍﺭ ﭘﺎﮐﺴﺘﺎﻧﯽ ﺭﻭﭘﮯ ﮐﮯ ﺑﺮﺍﺑﺮ ﮨﮯ۔ ﺍﻓﻄﺎﺭ ﮐﮯ ﺑﻌﺪ ﺻﺪﺭ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﯾﻠﺪﺭﯾﻢ ﮐﮯ ﺍﮨﻞ ﺧﺎﻧﮧ ﮐﮯ ﺳﺎﺗﮫ ﮔﮭﻞ ﻣﻞ ﮔﺌﮯ ﺍﻭﺭ ﺍﻥ ﺳﮯ ﺍﻥ ﮐﮯ ﻣﺴﺎﺋﻞ ﺑﮭﯽ ﭘﻮﭼﮭﮯ۔ ﯾﻠﺪﺭﯾﻢ ﻧﮯ ﺻﺪﺭ ﺍﯾﺮﺩﻭﺍﻥ ﮐﻮ ﺑﺘﺎﯾﺎ ﮐﮧ ﺍﻥ ﮐﮯ 5 ﺑﭽﮯ ﮨﯿﮟ، ﭼﻮﻧﮑﮧ ﺍﻥ ﮐﯽ ﺁﻣﺪﻧﯽ ﺑﮩﺖ ﻣﺤﺪﻭﺩ ﮨﮯ، ﺍﺱ ﻟﺌﮯ ﻭﮦ ﺍﭘﻨﮯ ﺑﭽﻮﮞ ﮐﻮ ﺳﺮﮐﺎﺭﯼ ﺍﺳﮑﻮﻟﻮﮞ ﻣﯿﮟ ﺗﻌﻠﯿﻢ ﺩﻟﻮﺍ ﺭﮨﮯ ﮨﯿﮟ۔
ﺩﻟﭽﺴﭗ ﺑﺎﺕ ﯾﮧ ﮨﮯ ﮐﮧ ﭘﺎﻧﭽﻮﯾﮟ ﺭﻭﺯﮮ ﮐﮯ ﺩﻥ ﺍﻓﻄﺎﺭ ﮐﮯ ﻭﻗﺖ ﺻﺪﺭ ﺍﯾﺮﺩﻭﺍﻥ ﯾﻠﺪﺭﯾﻢ ﮐﮯ ﻣﮩﻤﺎﻥ ﺑﻨﮯ، ﺍﺳﯽ ﺭﻭﺯ ﯾﻠﺪﺭﯾﻢ ﮐﮯ ﺳﺐ ﺳﮯ ﭼﮭﻮﭨﮯ ﺑﯿﭩﮯ ﮐﯽ ﺭﻭﺯﮦ ﮐﺸﺎﺋﯽ ﺑﮭﯽ ﺗﮭﯽ۔ ﺍﺱ ﻣﻮﻗﻊ ﭘﺮ ﺍﭼﺎﻧﮏ ﺻﺪﺭ ﻣﻤﻠﮑﺖ ﮐﯽ ﺁﻣﺪ ﻧﮯ ﯾﻠﺪﺭﯾﻢ ﮐﮯ ﺍﮨﻞ ﺧﺎﻧﮧ ﮐﯽ ﺧﻮﺷﯿﻮﮞ ﮐﻮ ﺩﻭﺑﺎﻻ ﮐﺮ ﺩﯾﺎ۔ ﺻﺪﺭ ﺍﯾﺮﺩﻭﺍﻥ ﻧﮯ ﭘﮩﻼ ﺭﻭﺯﮦ ﺭﮐﮭﻨﮯ ﭘﺮ ﯾﻠﺪﺭﯾﻢ ﮐﮯ ﺑﭽﮯ ﮐﻮ ﻧﻘﺪ ﺍﻧﻌﺎﻡ ﮐﮯ ﺳﺎﺗﮫ ﻗﯿﻤﺘﯽ ﺗﺤﺎﺋﻒ ﺑﮭﯽ ﺩﯾﺌﮯ، ﺟﺲ ﭘﺮ ﯾﻠﺪﺭﯾﻢ ﮐﮯ ﺩﯾﮕﺮ ﺑﭽﻮﮞ ﻧﮯ ﻟﻠﭽﺎﺋﯽ ﻧﻈﺮﻭﮞ ﺳﮯ ﺻﺪﺭ ﺍﯾﺮﺩﻭﺍﻥ ﮐﻮ ﺩﯾﮑﮭﺎ ﺗﻮ ﺍﻧﮩﻮﮞ ﻧﮯ ﮔﮭﺮ ﮐﮯ ﺩﯾﮕﺮ ﺑﭽﻮﮞ ﮐﻮ ﺑﮭﯽ ﺍﯾﮏ ﺍﯾﮏ ﻟﯿﭗ ﭨﺎﭖ ﺍﻭﺭ ﭨﯿﺒﻠﭧ ﺳﮯ ﻧﻮﺍﺯﺍ۔
ﺍﻓﻄﺎﺭ ﮐﮯ ﺑﻌﺪ ﯾﻠﺪﺭﯾﻢ ﮐﮯ ﮔﮭﺮ ﺳﮯ ﺭﺧﺼﺖ ﮨﻮﻧﮯ ﺳﮯ ﭘﮩﻠﮯ ﺍﻥ ﮐﮯ ﭘﮍﻭﺳﯿﻮﮞ ﮐﻮ ﺑﮭﯽ ﺻﺪﺭ ﺍﯾﺮﺩﻭﺍﻥ ﮐﯽ ﺍﭼﺎﻧﮏ ﺁﻣﺪ ﮐﺎ ﭘﺘﮧ ﭼﻞ ﮔﯿﺎ ﺗﮭﺎ۔ ﺍﺱ ﻟﺌﮯ ﯾﻠﺪﺭﯾﻢ ﮐﮯ ﺑﮩﺖ ﺳﺎﺭﮮ ﭘﮍﻭﺳﯽ ﺑﮭﯽ ﺍﻥ ﮐﮯ ﮔﮭﺮ ﻣﯿﮟ ﺟﻤﻊ ﮨﻮﮔﺌﮯ ﺍﻭﺭ ﺻﺪﺭ ﺍﯾﺮﺩﻭﺍﻥ ﮐﮯ ﺳﺎﺗﮫ ﻋﺸﺎﺀ ﮐﯽ ﻧﻤﺎﺯ ﺗﮏ ﻃﻮﯾﻞ ﻧﺸﺴﺖ ﮐﯽ ﺍﻭﺭ ﺍﻧﮩﯿﮟ ﺍﭘﻨﮯ ﻣﺴﺎﺋﻞ ﺳﮯ ﺁﮔﺎﮦ ﮐﯿﺎ۔ ﺍﺱ ﺩﻭﺭﺍﻥ ﺻﺪﺭ ﺍﯾﺮﺩﻭﺍﻥ ﮐﮯ ﺳﯿﮑﺮﯾﭩﺮﯼ ﺳﻤﯿﺖ ﮐﭽﮫ ﺳﺮﮐﺎﺭﯼ ﻋﮩﺪﯾﺪﺍﺭ ﺑﮭﯽ ﯾﻠﺪﺭﯾﻢ ﮐﮯ ﮔﮭﺮ ﭘﮩﻨﭻ ﭼﮑﮯ ﺗﮭﮯ۔
ﺗﺮﮎ ﭘﺮﯾﺲ ﮐﮯ ﻣﻄﺎﺑﻖ، ﺭﺟﺐ ﻃﯿﺐ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﻧﮯ ﺍﭘﻨﯽ ﭘﮩﻠﯽ ﺍﻓﻄﺎﺭ ﺗﺮﮐﯽ ﻣﯿﮟ ﻗﺎﺋﻢ ﭘﻨﺎﮦ ﮔﺰﯾﮟ ﮐﯿﻤﭙﻮﮞ ﻣﯿﮟ ﻣﻘﯿﻢ ﺷﺎﻣﯽ ﻣﮩﺎﺟﺮﯾﻦ ﮐﮯ ﺳﺎﺗﮫ ﮐﯽ ﺗﮭﯽ، ﺍﺱ ﮐﮯ ﺑﻌﺪ ﺍﻧﮩﻮﮞ ﻧﮯ ﻏﺮﯾﺐ ﺍﻭﺭ ﻣﺘﻮﺳﻂ ﻃﺒﻘﮯ ﮐﮯ ﻟﻮﮔﻮﮞ ﮐﮯ ﺳﺎﺗﮫ ﺍﻓﻄﺎﺭ ﮐﺮﻧﮯ ﮐﺎ ﻣﻌﻤﻮﻝ ﺑﻨﺎ ﻟﯿﺎ ﮨﮯ۔ ﺍﺏ ﺗﮏ ﻭﮦ ﺍﻓﻄﺎﺭ ﮐﮯ ﻭﻗﺖ ﭘﺎﻧﭻ ﻣﺮﺗﺒﮧ ﻏﺮﯾﺒﻮﮞ ﮐﮯ ﻣﮩﻤﺎﻥ ﺑﻦ ﮐﺮ ﺍﻥ ﮐﮯ ﺳﺎﺗﮫ ﺍﻓﻄﺎﺭ ﻣﯿﮟ ﺷﺮﯾﮏ ﮨﻮﺋﮯ ﮨﯿﮟ۔ ﺻﺪﺭ ﺍﯾﺮﺩﻭﺍﻥ ﺍﻭﺭ ﺍﻥ ﮐﯽ ﺍﮨﻠﯿﮧ ﺍﻓﻄﺎﺭ ﺳﮯ ﮐﭽﮫ ﺩﯾﺮ ﭘﮩﻠﮯ ﺍﭘﻨﯽ ﮔﺎﮌﯼ ﻣﯿﮟ ﺻﺪﺍﺭﺗﯽ ﻣﺤﻞ ﺳﮯ ﻧﮑﻞ ﮐﺮ ﺷﮩﺮ ﮐﮯ ﮐﺴﯽ ﻣﺘﻮﺳﻂ ﯾﺎ ﻏﺮﯾﺐ ﻋﻼﻗﮯ ﮐﺎ ﺭﺥ ﮐﺮﺗﮯ ﮨﯿﮟ، ﺟﮩﺎﮞ ﻭﮦ ﮐﺴﯽ ﺑﮭﯽ ﺷﮩﺮﯼ ﮐﮯ ﮔﮭﺮ ﮐﺎ ﺩﺭﻭﺍﺯﮦ ﺑﺠﺎﺗﮯ ﮨﯿﮟ ﺍﻭﺭ ﺍﮨﻞ ﺧﺎﻧﮧ ﮐﮯ ﺳﺎﺗﮫ ﻣﻞ ﮐﺮ ﺍﻓﻄﺎﺭ ﮐﺮﺗﮯ ﮨﯿﮟ۔ ﺍﺱ ﺩﻭﺭﺍﻥ ﺻﺪﺭ ﺍﯾﺮﺩﻭﺍﻥ ﺍﮨﻞ ﺧﺎﻧﮧ ﺳﮯ ﺍﻥ ﮐﮯ ﻣﺴﺎﺋﻞ ﭘﻮﭼﮫ ﮐﺮ ﺍﻧﮩﯿﮟ ﺣﻞ ﮐﺮﺗﮯ ﮨﯿﮟ۔